ورق عنب بزيت الزيتون
المقادير :
1/4ك ورق عنب
1/2ك لحم قطع او اكثر حسب عدد الافراد
كاس شاي زيت زيتون
5 فصوص ثوم
بصلة مقطعة حلقات
معلقتان كبيرتان صلصة طماطم
كمية مناسبة من مرق الدجاج او اللحم لطهي ورق العنب
مقادير الحشو :
3كاسات ارز مصري
3 حبة طماطم
ليمونة
بقدونس
نعناع اخضر
شبت اخضر
3 حبات بصل كبيرة او 4
قليل من زيت الزيتون
ملح و بهار
( البهارات التي استخدمها : قرفة _ قرنفل _ بهار حلو _ كزبرة _ كمون _ _ ماجي )
لحمة مقطعة طقع صغيرة للحشو
طريقة التحضير
يتم سلق ورق العنب في ماء لمدة لا تقل عن ثلث ساعة و يتم اضافة معلقة من زيت الزيتون حتى يبقى الورق طري ( طبعا زمن السلق حسب نوع الورق )
في هذه الاثناء يتم تحضير الحشوة :
نضع في مقلاة كمية من الزيت او السمن لتقليب اللحمة المقطعة ثم يضاف البصل المفروم ناعم ( نقوم بنقع الارز في ماء دافيء لمدة ربع ساعة مع اضافة الملح ) يتم اضافة الارز الى المقلاة و اطفاء النار و بعد ذلك نقلب الارز و نضيف الاعشاب المقطعة بشكل ناعم و الطماطم المقطعه او مضروبة فى الخلاط مع التقليب
و ثم الملح و البهارات و نزيد كمية الزيت على الحشوة
نقوم بلف ورق العنب بالطريقة المعتادة ,,, و نحضرالحلة و نضع في القاع كمية من الزيت و حلقات البصل و الثوم المقطع قطعا كبيرة و يتم فرد اللحمة و اذا احببت وضع محشي كوسا في الاسفل ثم نرص ورق العنب و نضع عليه الملح و كوب زيت الزيتون و نضيف المرق (يفضل ان تكون ساخنة ) ونضعها على النار الى ان تغلي نوطي النار و نغطيها و نتركها حوالي ساعة الا ربع ( حسب نوع الورق ) و قبل الانتهاء توضع الصلصة على ورق العنب و نعصر الليمون عليه
و هذه صورة اخرى , بحيث نقدم الطبق مع سلطة الخضار و اللبن
******************************************************
الممبار من الاكلات المصرية الصميمة
*************************************************************************
والتى لها مكانة خاصة تحترم بين الصغير و الكبير على حد سواء
يشاركها الكوارع و الكرشه و حلويات اللحم فى اقوال اخرى والتى تتمثل
فى الاعضاء الداخلية للماشية من امعاء ومعدة و طحال و رئة الخ
وبما انى كنت مقاطعة الممبار من مدة طويلة لان ما يباع فى السوق لونه ميسرش
و بما انى فضيت المقاطعة بعد ما لقيت جزار نضيف بيجيب الممبار ابيض من الفل
و بعد نجاح التجارب الاولية بنجاح ساحق ماحق
قررنا ننزلكم الطريقة المجربة لاحلى ممبار
المقادير
واحد كيلو ممبار نضيف زى الفل
و زيادة ضمان يغسل بماء و ملح و ليمون ينقع فيهم قليلا و يشطف و بعد كدا يستخدم
مقادير الخلطة
حوالى 3 الى اربع مج ارز
كيلو طماطم معصورة فى الخلاط
3 ملاعق صلصة
2 حزمة شبت 2 بقدونس 2 كسبرة
2 بصلة كبيرة مخروطة رفيع " انا بخرطها فى كبة الخلاط "
نص كوب زيت
ملح و فلفل و كمون و شطه و بهارات
وانا بعمل الخلطة نى فى نى
مش باجى ناحية النار خالص فى المرحلة دى
بنبتدى نحط مقادير الخلطة كلها على بعض
الطماطم مع الارز مع الصلصة مع الخضره مع البصلة
ونقلبهم كويس لغاية ما يختلطوا
ومننساش نضيف
ملح و فلفل و كمون و شطه و بهارات
وفى النهاية نضيف نص كوب زيت و نقلب بردو و خلاص كدا عملنا الخلطة
نجيب الممبار
نقطعه اطوال يعنى تقريبا حوالى متر بالنظر يعنى بتتعرف
المهم منقطعهوش صغير و الا الخلطه كلها هتتطلع منه اثناء السلق
فلازم يكون طويل شويه و بعد ما يتقلى نقطعه الاطوال اللى نحبها
بنجيب بعد كدا قمع ودى اسهل و اسرع طريقة
و ناخد طرف الممبار ندخل فيه القمع و نحط فى قلب القمع معلقتين خلطه و نجيب
معلقه عادية و نبتدى نزق بايدها الحشوة فى الممبار لغاية ما نملاه المهم
لازم يكون الممبار مبطط يعنى منحشيهوش جامد عشان ميفرقعش
و بنسيب حوالى اتنين سم فى كل طرف فاضيين عشان بيلموا على الخلطه و متطلعش برا
بعد كدا بنكون غلينا ميه فى حلة كبيرة شوية
و نحط فى الميه ملح و كمون
و نسقط فيها الممبار بحرص نمسكه من الطرفين و ننزله بالراحة
و بنلاحظ انه على طول بيبتدى يدور و ياخد الشكل الاسطوانى
بنحط الكميه على مرتين او مرة واحدة لو الحلة كبيرة و عادى مفيش مشاكل خالص
و بنسيبه لمدة تتراوح بين نص ساعة الى اربعين دقيقة
بعد كدا بنطلعه و نصفيه
و نبتدى نجهزه للتحمير
فى زيت غزير و يستحسن نغطى الطاسه
يدوب بس بنحمره و يبقى لونه دهبى محمر و نطلعه
و خلى بالكم من الزيت
يقدم الى جانب السلاطة وشوربة لسان عصفور زى منا عملت
و الف هنا و شفا
طاجن عكاوى
من اكل بيتى اكلاتى
العكاوى هى ذيل التور أو البقرة
بنقطع العكاوى على المفاصل بين الفقرات للجزء العلوى
اما الطرف الرفيع فنقطعه كل عقلتين
ونحط فى الحله معلقتين سمن وفصين مستكه ونشوح العكاوى 5
دقايق بالتقليب
بعد كده نحطلها كوبايتين ميه سخنه ونغطيها نص ساعه حتى الغليان.
تجهيزالطاجن
هوه له كذا طريقه انما احلاهم بالنسبة لى بالبطاطس والبصل
حبيتين بطاطس مكعبات صغيره اوى وبصلتين نص حلقات
وعليهم ملح وفلفل و بهارات ومبشور جوزة الطيب ونقلب كله مع بعضه
نحط نص الخلطة فى الطاجن وبعدين نرص العكاوى ونغطيها بالنص
التانى
وطماطمايه ترانشات رفيعه ونغطى بيها الوش
طبعا ممكن فى البايركس للمنظر والتقديم
ونصب على الطاجن من الشوربه بحيث لا يغطى المحتويات
ونغطى بورقة فويل وعالفرن الحامى نص ساعه تقريبا ونختبر السوى
المهم عند السوى نشيل الفويل و نحمر الوش ونحروق الطماطم شويه
وبالف هنا وشفا مع رز بالشعرية
*************************************************************************************************************
